حصريا العروبة بين الحقيقة و السراب

 

حصريا 

العروبة 

بين الحقيقة و السراب

اللواء سامي دنيا الخبير العسكري و الاستراتيجي  🇪🇬

من ٣ ولا ٤ سنين كده قلت لكم ان مفيش خلاف بين الرئيسين جمال عبد الناصر وانور السادات ، وان مواقفهم كانت واحدة بعد ٦٧ ، اللي اكتشف بعدها جمال عبد الناصر وهم العروبة ، وانتهى مشروعه الاقليمي قبل وفاته هو شخصياً بـ ٣ سنين ، وان اختيار زكريا محي الدين رئيس مؤقت بعد التنحي كان اشارة لتغير بوصلة التحالفات المصرية من الشرق للغرب ، وانه هدد الرو-س بكده في آخر زيارة ليه لموسكو ،

التسريبات الأخيرة لأحاديث مع الرئيس الليبي معمر القذافي تاكيد على الكلام ، وادانة للحزق الناصري سنين طويلة ضد أنور السادات 

سنين طويلة والإعلام المصري والعربي بيروج لوهم اسمه انقلاب السادات على عبد الناصر ، ويجي عبد الناصر نفسه وبصوته ينفي كل الكلام ده ويؤكد ان ده توجه دولة مش توجه أفراد ..؟ الحقيقة انك لما تسمع التسريبات تحس انها لأنور السادات بس بصوت جمال عبد الناصر ، نفس الكلام عن حتمية الحل السلمي ، نفس الكلام عن أولوية استعادة سيناء ، نفس الكلام عن ضرورة الاعتراف بالقرارات الدولية وإعلان الدولة وبعد كده يحلها الف حلال!…وسبحان الله ، برضو نفس المواقف الحنجوربة من كل الأطراف ، نفس الاتهامات بالبيع والعما،لة والخيا،نة ، ولمين؟!! ، للرئيس جمال عبد الناصر!!

اللي رن في ودني من التسريبات دي جملتين ، 

العراق عايز يحارب وهو موازنته ٧٥ مليون جنيه ، في حين الكيان اشترى في سنة واحدة بس ٤٠٠ مليون جنيه سلاح فقط ، 

موقف الشيخ زايد بن سلطان ال نهيان 

 الراجل ده عظيم جداً يا جماعة ، تسمع الرئيس عبد الناصر وهو بيوصف الموقف بتاعه تترحم عليه من قلبك ،ودى حكاية الشيخ زايدالمحترم الانسان الراجل بمعنى الكلمة صاحب المبادئ المحب لمصر حبة لذاته: الرئيس جمال عبد الناصر في حديث مسرب عن الشيخ زايد بن سلطان آل نهيان ،… رحم الله الزعيمين  ..يقول أنا محدش ساعدني بحاجة إلا واحد بس ، الشيخ زايد بتاع الإمارات ، والله العظيم ما شوفته ولا قعدت معاه ولا طلبت منه حاجة خالص ، في يوم كده لقيت المستشار بتاعه جاي عندنا في مصر في زيارة سرية وبيقولي الشيخ زايد بن سلطان عايز يساعد مصر بـ ١٧ مليون دولار ، بس عنده شرط واحد بس ، محدش يعرف عشان البريطانيين لو عرفوا هيشيلوه من الحكم!…رحم الله الزعيمين العظيمين ...تسريبات في وقتها وتضع كل النقط على الحروف ، وتشد خط مستقيم واحد يربط بين كل روساء مصر فيها عدا مرسي بتاع الخاطفين والمخطوفين ، زي كانت غلطة مطبعية وصلحناها خلاص…….. نهايته ….نحمد ربنا ….. وإذكروا الله كثيرا لعلكم تفلحون.