د سعيد عزب يغرد أيام وراها أيام ايطاليا 🇮🇹

 

أيام وراها  أيام 

أياااااام .....ورا..... أياااااام 

نسلمها زى..... ما أستلمناها  ..

ونكبر ....ونتغير ....ويفضل  ...

 نفس الوقت.... برضو زى زمان ...

وفاكرينه.... بيتغير ...

ونتبدل ....ونحتار ....ونتحير .....

وننسى إن إحنا ....إللى صنعنا  الوقت .

بأعمارنا....وأحوالنا 

وإحنا اللى بنرسم.... الأزمان....

ونرسم بيها خطاوينا 

 بأعمالنا ....وأفكارنا ....

وروحنا..... تسيبنا .....

عشان ...تروح  لناس تانيه ..

.وتسكن فيها ...

فى أولادنا.... وأحفادنا ....

و تستلمها مننا .....زى ما كااااان

الليل بليله ....والنهار بنهار ...

ونفس الضلمه.... ونفس  النور 

وتيجى الشمس.... بعد الليل 

ويجى الليل ....يطفيها ...وبرضو يغور

ويجي البدر قبل الفجر يصحيها 

ويجى السبت..... قبل الحد وحداني 

ينورها ويسقيها ...ويحييها

ولما يجي الحد ...يبقوا اتنين 

ويجى الحد بعده ....إتنين 

عشان يبقوا سوا الاتنين 

وليه مفيش ثالث يجمعنا 

ويجي بعدها بيوم يكون الثالث

وبعده الأربع تزيد العزوه 

 ويبقي فيه مننا دا خميس 

ويوم الجمعة نتجمع على الوحده 

على الود والألفة والمعروف... بقت أسره 

وفيها عروس وفيها عريس 

وبقينا مع الأيام ...بنتوالد... ونتكاثر ....وهي تروح

وتمشي ونمشي معاها ....بأفراحنا وأحزانا 

وبرضه ماحد.... بيتعلم 

وتبتدى الرحله .....تانى م الأول 

وتمشى فى..... طريق العمر 

طريق مرسوم .....ومتقدر 

وكأن الخلق..... مجبر ومتسير ...

ونشبه بعض ....فى الكلمه .....

وفى ...التكشيره....وفي اللمه 

 وفى البسمه .... وفى الحركه...

.وف الحيره....

ويمكن نمشى كمان  نفس..... الخطوه ....

لأقدارنا ....ساعات بالخوف 

وساعه بالثقة في اللى مقدرها 

واللى رسمها الرب ....وقدرها .....

وآهى خطوات.... ومحسوبه ....

فى علم الغيب ....ومكتوبه ....

لازم بمزاجنا مع الأيام.... بنمشيها 

ولو مارحناش... لها بتيجي 

وغصب عنا ... هنقضيها 

زي ما.  الرب راضيها...

د سعيد عزب